Malpica clausura os obradoiros de memoria e arranxos florais destinados a persoas maiores e con diversidade funcional
O Concello de Malpica clausurou esta mañá os obradoiros de memoria e arranxos florais destinados a persoas maiores e con diversidade funcional. Acudiu o concelleiro de Benestar, Sergio García.
![](https://www.concellomalpica.com/wp-content/uploads/2021/07/Malpica-1-1024x661.jpeg)
Os talleres realizáronse tanto nas instalacións do Centro Cívico municipal como nas da Casa do Oleiro de Buño.
As persoas inscritas amosáronse moi ledas logo da experiencia, cuxo obxectivo prioritario foi o de promover a saúde mental e física destes colectivos logo dun período marcado pola ausencia de contacto social e as consecuencias da covid-19.
![](https://www.concellomalpica.com/wp-content/uploads/2021/07/Malpica-2-1024x710.jpeg)
O concelleiro de Benestar, Sergio García, manifestou a súa satisfacción “co éxito da iniciativa, que completou todas as prazas dispoñibles ás poucas horas de abrirse a convocatoria”. Neste sentido, asegurou que “o goberno local seguirá apostando por organizar actividades que potencien o benestar de toda a veciñanza”.
![](https://www.concellomalpica.com/wp-content/uploads/2021/07/Malpica-3-1024x685.jpeg)