O rock regresou a Malpica por todo o alto
Agrupacións locais e internacionais actuaron no festival organizado pola Concellaría de Turismo e Festexos, coa colaboración do veciño Manu Ferreiro
![](https://www.concellomalpica.com/wp-content/uploads/2021/12/263475964_4704063109617094_5033905960219078297_n-1024x683.jpg)
O rock regresou a Malpica tempo despois da man da Concellaría de Turismo e Festexos e coa colaboración do veciño Manu Ferreiro. Organizou o festival Malpica Rock no que actuaron agrupacións locais e internacionais.
A cita celebrouse este sábado á noite na rúa principal do centro urbano, a Vila Fano. Foron moitos os veciños que, pese ó mal tempo característico destas datas, se animaron a gozar da boa música. Unha carpa colocada polo Concello serviu de moita axuda neste sentido.
![](https://www.concellomalpica.com/wp-content/uploads/2021/12/264079328_4704065259616879_865490852779908691_n-1024x683.jpg)
Ambigüo, de A Laracha; El puto Antón e artistas convidados; 58 Shots, de Francia, e Recambios Tucho deleitaron ós asistentes coas súas interpretacións. Esta música xa ten o seu percorrido na localidade, con eventos consolidados como referentes a nivel galego.
![](https://www.concellomalpica.com/wp-content/uploads/2021/12/263047368_4704064436283628_6266945974141259613_n-1024x683.jpg)
Seguimos traballando para dinamizar a vila da vida na Costa da Morte! Foi a antesala do Nadal, datas para as que xa hai programadas numerosas actividades.
![](https://www.concellomalpica.com/wp-content/uploads/2021/12/263354821_4704063986283673_2777541482143867769_n-1024x683.jpg)